விருதுநகர் அருகே சாலையோரத்தில் மது அருந்தியவர்களை கண்டித்த காவல் சார்பு ஆய்வளாரை மிரட்டியது தொடர்பாக 4 பேரை போலீஸார் கைது செய்தனர். 

விருதுநகர்-சாத்தூர் 4 வழிச்சாலையில் நெடுஞ்சாலை ரோந்து பிரிவு வாகன காவல் சார்பு ஆய்வாளர் காமராஜ் தலைமையில் போலீஸார் வெள்ளிக்கிழமை இரவு ரோந்து சென்றனர். அதில் மருளூத்து கிராம விலக்கருவே பேருந்து நிறுத்தத்தில் வாகனம் நின்று கொண்டிருந்ததை பார்வையிட்டடு ஆய்வு செய்தார். அப்போது, வாகனத்தின் பின்புறம் 4 பேர் அமர்ந்து மது அருந்திக் கொண்டிருந்தார்களாம்.

இது குறித்து உடனே காவல் சார்பு ஆய்வாளர் தட்டிக் கேட்டாராம். அதற்கு அவர்கள் தகாத வார்த்தைகள் பேசியதோடு மிரட்டியும் உள்ளனர். இது குறித்து  காமராஜ் சூலக்கரை காவல் நிலையத்தில் புகார் செய்தார். அதன் பேரில் 4 பேர் மீதும்  போலீஸார் வழக்கு பதிந்து கைது செய்தனர்.  அதையடுத்து அவர்களிடம் போலீஸார் விசாரணை செய்ததில் மதுரையைச் சேர்ந்த சடையாண்டி(50), பழனிமுருகன்(35), சுந்தரேஸ்வரன்(33) மற்றும் பழனிச்சாமி(17) என்பதும், மருளூத்து அருகே பழுதாகி நின்றிருந்த லாரியை சரி செய்வதற்காக வந்ததும் தெரியவந்தது.